01‏/11‏/2010

تجديد نشاط ^^





مدرستي تفتح بدري اخذ فطوري واجري
اجري علي مدرستي 
<< رجعت لايام الابتدائي 

  صح نسيت
السلام عليكم
وكيف احولكم  ان شاء الله كويسين ومضبوطه اموركم 

  اكيد فاقدين سوالفي  << واثقه الاخت بقووه 
  الايام الي راحت كان الدوام ممل جدا والنفسيه صارت دماار 
  فاقترحت علي المديره نسوي كذا نشاط
 
لتجديد الهمه  وكسر الروتين اليومي للعمل

  فبديت باول شيء وكان قاهرني ومحوم تسبدي   الا وهو لوحة الاعلانات داخل غرفتنا
اللوحه تجيب المرض وخوفا علي عيونكم واذواقكم نظفتها قبل اعرضها عليكم 



زين منتو شايفين اللوحه نظيفه وتبرق بعد 

 

وبسم الله وبديت العمل سيرت علي السوق وشريت ديكورات بالوان بنيه وبيج وسكري

وباليوم الثاني بدية الشغل والتلصيق والقص

وهذي شكل اللوحه بعد ماخلصت



حلووه صح لاني انا الي مصلحتها   

وبعد ماخلصت من الي كان مقلق راحت سعادتي الكريمه 
 وجهنا النشاط الي الدارسات
وقررنا عمل يوم جلسة مسابقات   مع جلستة قهوه << كل يوم  تجلسون تتقهون ماهي غريبه ولا جديده 
  سوينا مسابقتين وحده حركيه
وزعنا بالونات علي الدارسات وانقسمنا قسمين
فريق المعلمات وفريق الدارسات 
ومن الفريق الي بالوناته ماتفقع << ماتنفقع يعني ماتنفجر ماتنفش ماتخرب  << اوخص يالشرح  

  ساحة المدرسه صارت كانها حلبة سباق خيل الكل يجري علشان يحاظ علي بالونته  من الابره
انا اخر وحده فقدة بالونتها  << وش فيكم منتم مصدقين      <<  العكس صحيح 
  بس كانت ونااسه مره
المسابقه الثانيه كانت ثقافيه وقصص  ومحاضره 
  كان يوم حلوو خالص والدارسات اعجبهم التغير
  بعدها فلينا قهوتنا القميله وجلسنا نتقهوي
  وانا الي عامله الحلا  والقهوه بس قلت لازم اذوقكم منه 
هذي صوره قبل  عملية القلي
  << اتوقع هذا حالكم اذا شفتو الصوره الاوله للحلا    لاتخافون ماهو دود 




وهذي بعد القلي مع صوصو الشكولاته والقرفه   
طعمه لزيز خالص
تبون المقادير  << هاتو ريال وعلمكم المقادير 
  الحلا بسيط جدا
تفزلو المقادير :
2كاس طحين ابيض + ملعقه كبيره بيكنج باودر + فنجان سكر بودره
تخلط المقادير مع بعضها ثم يضاف اليها
4/3 ارباع كاس زيت عافيه
2/1 كاس ماء
وتعجن وتكور  علي شكل كور صغيره ثم تفرد وتحشي بالتمر المعجون
ثم تلف بخيط  وبعدها تقلي بزيت غزير وبالعافيه عليك
 
علي اخر الدوام وعلي وقت خروجنا صار شيء مرعب ختام ليومنا السعيد 
  متاكدين تبون تعرفون ايش صاار
بقولكم بس  يمنع مادون 18 



   واقفه لنا عند الباب  حيه   (( داب   
تراني ماخفت ابد  وجلست اصورها بعد 
انا مايخوفني شيء    << تبون دليل اني ماخفت 
   وهات ضرب فيها بالعصا مديرتنا تحمسة لذبحها  ومير تقوم وتلحقها الحيه
   وتهرب وتصرخ
نادينا الحارس  وذبحها هو   
وعدت علي خير بدون اصابات تذكر 
   كنتم مع مغامرات  دريم في المدرسه << 
   




10 التعليقات:

فهد السديـري يقول...

ههههههههههههههههههههههههههههههههههههههههههههههههههههههههههههههههههههههههه

اجل ماخفتي من الدـآآب احس كلهم ودهم يطبون ببطنتس شايفتن داب وجالسه تصورين والله من البرووود بتس هع هع

وبالنسبه للوحة والله قلبت فوووق تحت كأنهـآآ جديده لكن بدعتي فيييييها
ذكرتيني بعمتي هي لازم تغير وتتفنن :)

والحلى ذا يـآآهو رهييييب بس الصورة الاولى له حوم تسبدي هههههههههه

واما الصوره الثااني كـآآن قمميييييل قدا قدا

يعطيييتس ربي الف عـآآفيه
وربي يسعدك :)

ذئب الظلام يقول...

اهلا اهلا

اهم شيء التجديد بالعمل احس المدرسة كلها تحبك ويلبون كل طلباتك
مشاء الله عليك شخصية قوية وشاطرة
بس الطلاااااااااااب لو المدرس ضغط عليهم هههههه كنا نتطفشه ههههههههههههههه الله يرحم ايام زمان ذكرتيني فيها

شقاوي يقول...

ههههههههههه
اجل اجري اجري هااا
صراااخة اللوحة حلوة < اكيد ماهي فوتشوب هههه.
اوووووووووووووووووم ويش ذا الاحلى والله يالصورة الاولى للحلى انها تخلع اكثر من الحية ههههع
بس شكل الاحلى خنطيييير يوم استوى
هناء وعافية عليكم.
عسى ايامك كلها وناسه ونفيخات وابر واحلى شي..

e7sαs ●я يقول...

مدرستي تفتح بدري اخذ فطوري واجري
اجري علي مدرستي <-- ههههههههااي الله يرجك ...

اما المديره حقتكم تعطي وجهه اقوى ششي ههه
حلو تغير الروووتين ..
اما الحلى الصوره اولى دود دود بـ إمانه هههههه
بس حماسسس شكلو فكرني بحلاوة الدود والصراصير :P
( عوآفي عليكم يااارب )

اما الافعى مدري الحيه مكانها غلط هع
الله يحميكم =)

عسسى دوم الوناسسه ’~

wthaker يقول...

لايسعني غير اقول هههههههههههههه
موضوع روعة

حلم من حرير يقول...

$ ابد ماخفت ولا شيء هههههههههه
شف هذي لحظه ماتفوت لازم ينسيء كل شيء ويسجل اللحظه D:

عمتك طالعه علي اجل << هههه برا
ماشاء الله عليها
هههههههه الحلا حوم تسبدك اجل
الله يعافيك يارب
منوور والله ^^
لك حبتين من الحلا :P

حلم من حرير يقول...

هلابك زوود
يب صدقت تجديد نشاط بجد
$ تسلم ذئب علي كلامك المشجع والجميل
هههههه اووه اجل طفشون المدرس
دووم الضحكه ^^
اسعدك الله دائما

حلم من حرير يقول...

شقاوي //ِ
هههههه ايوه مافيه الا الجري
لالا ابد ماستخدمت الفوتو D: الا شوي بس
ههههههه هذا هو المطلوب انكم تتخرعون
:P
يعافي قلبك ربي

اللهم امين ويسعدك الرحمن يارب
منوور والله

حلم من حرير يقول...

ههههه اهلين احساس
لالالاع حلاوة دود وصووارير لا والله رحنا فيها
يب حلو التغيري

الله امين ويحميك يارب
يسعدلي قلبك يارب
منووره عسووله ^^

حلم من حرير يقول...

وذكر //ّ
هلا وغلا ^_^
دوم الضحكه يارب
والروعه وجودك
كون بكل خير :)

حقوق التصميم محفوظه لمدونة حلم من حرير. يتم التشغيل بواسطة Blogger.

القـﮯ ـائمة البريديه

ضع اميلك هنا :

Stopping By To Say Hi:smi (69):

أدعمنا بالفيسـﮯ بوڱ

عبق المطر في اقلامهم

المتابعون

حـﮯ ـكاية عدســﮧ

Roy Tanck's Flickr Widget requires Flash Player 9 or better.

Get this widget at roytanck.com